Quality Assurance Officer (QAO)
Earth Enable
Abo Turibo
Muri EarthEnable (Tube Heza), twemera ko abakiriya bacu bakwiye serivisi nziza cyane, ko ibitekerezo
byiza bishobora guturuka mu gice icyo ari cyo cyose cy’ikigo, kandi ko gutsindwa rimwe na rimwe ari
ingenzi mu kugera ku intsinzi. Twishimira intsinzi za bagenzi bacu, kandi twishimira cyane uruhare
tugira mu guhindura imibereho y’abantu buri munsi. Twemera ko urugo rufite isuku kandi rutagira
umukungugu bisobanuye ibirenze ubuzima bwiza; bisobanuye ishema n’icyubahiro m’ubyo abakiriya
bacu baha agaciro kurusha ibindi byose: mu ngo zabo. Kuba umwe mu bagize itsinda ryacu
bisobanuye ibirenze kubaka ibikoresho by’amazu; bisobanuye kubaka ikigo no kubaka ejo hazaza
heza ku miryango yo mu byaro.
Ibyo Dukora
EarthEnable(Tube Heza) ihindura imibereho y’abantu ituma amazu agira ubuzima bwiza ku miryango
yo mu byaro byo mu Rwanda no muri Uganda. 65% by’Abanyarwanda batuye mu mazu afite hasi
y’igitaka, afite umukungugu, adafite isuku kandi yorora udukoko n’indwara. Nubwo gusimbuza hasi
h’igitaka na sima bigira akamaro kanini ku buzima (nko kugabanya indwara z’impiswi ku kigero cya
50% no kugabanya indwara z’inzoka ku kigero cya 80%), sima irahenze ku benshi bayikeneye.
EarthEnable ikemura iki kibazo gikomeye igurisha ibikoresho by’amazu bikozwe mu butaka bifite
ubuziranenge, bihendutse ku kigero cya 80% ugereranyije na sima, kandi bifite ingufu nkeya
zikoreshwa mu kubibyaza umusaruro ku kigero cya 90%. Ubwubatsi bukozwe mu butaka busanzwe
bukoreshwa mu mazu agezweho hirya no hino ku isi, kandi twahinduye uburyo bwo kubigeza ku
baturage kugira ngo bihenduke cyane. EarthEnable itoza kandi igatanga impamyabumenyi ku bacuruzi
no mu baturage mu gushyira mu bikorwa
ibikoresho byacu, bigashyirwaho amavuta yihariye (drying oil) atuma bitinjirwa n’amazi, bikomera
kandi bigasa neza.
Ibyerekeye Uyu Mwanya
● Uyu mwanya ugenewe umuntu ukunda gutoza, gushyigikira no guteza imbere ubumenyi
bw’abafranchaise. Inshingano zawe zizaba zirimo, ariko ntizigarukire gusa kuri izi zikurikira:
Inshingano z Ushinzwe Kugenzura Ubwiza (Quality Assurance Officer)
● Gutegura no gukora igenzura ry’imbere (internal quality audits) ku bikoresho byose bikozwe
mu butaka
● Kwemeza ubuziranenge; kwemeza ko uburyo bwo kugenzura ubwiza (quality control
procedures) bukurikizwa kuri buri cyiciro cyose cy’umusaruro
● Kwemeza ko ibikoresho byose bikenewe bihari, birimo ibipima byagenzuwe (calibrated
measuring equipment), iminzani, ball drops n’ibindi, kugira ngo ububiko bucungwe neza kandi
imirimo isanzwe ikorwe neza
● Gufata ingamba zo gukosora ibibazo byagaragaye, birimo ibibazo bitarakemuka, amakosa mu
ivugurura ry’imibare y’ububiko n’ibindi
● Kwemeza ko ububiko bwose bwo mu turere bubungabungwa neza, bukurikiranwa kandi
amakuru yose ajyanye n’imigendekere y’ububiko (stock movements) yinjizwa neza muri
Salesforce
● Gukorana n’amashami y’imari, ibikorwa (operations) n’ikoranabuhanga (systems) kugira ngo
amakuru y’ububiko yinjizwa muri Salesforce abe ari yo kandi yizewe, bigafasha mu gutanga
raporo nziza no gufata ibyemezo bifatika
● Gutegura no gutanga raporo z’ubwiza ku matsinda yo mu turere, no gutanga inama ku bice
bikwiye kunozwa
● Gukurikirana ibibazo by’ingenzi byagaragaye mu turere kugira ngo harebwe ko ibyifuzo n’inama
byatanzwe byubahirijwe
● Gutegura, guhuza no kwitabira inama z’Ubwiza (QA) zo mu turere hagamijwe kuganira ku
bibazo no gutanga ibisubizo n’inama
● Gutanga raporo ku byagaragaye mu bwiza n’ibindi bibazo byose ku muyobozi wawe igihe
bibaye ngombwa
● Kwitabira amahugurwa ategurwa rimwe na rimwe ajyanye n’inshingano zo kugenzura ubwiza
(QA)
● Gufatanya n’Umuyobozi Mukuru wa QA mu gutegura no kugena ibikorwa bya buri cyumweru
● Kugenzura umusaruro (irangi, paste, varnish n’ibindi) no kwemeza ko bifite ubuziranenge
bukwiye
● Gukora indi mirimo yose ishobora kugenerwa igihe icyo ari cyo cyose
Ibyo usabwa kuba wujuhe
● Kuba nibura ufite impamyabumenyi y’amashuri yisumbuye
● Kuba azi gusoma no kwandika neza ikinyarwanda
● Kuba afite uruhushya rwo gutwara moto
● Kuba ari inyangamugayo kandi akorana umurava
